Bloedbad fan Sand Creek

Bloedbad fan Sand Creek (ûnderdiel fan 'e Kolorado-oarloch) It tinkteken foar it Bloedbad fan Sand Creek. datum: 29 novimber 1864 plak: oan 'e Big Sandy Creek, yn Kolorado útkomst: ferswakking fan 'e Sjajinske fredespartij konfliktpartijen Súdlike Sjajinnen Súdlike Arapaho Feriene Steaten befelhawwers Swarte Tsjettel Lofterhân John M. Chivington sterkte 60-200 (krigers) 700 ferliezen 70-163 deaden (ynkl. froulju en bern) 24 deaden 52 ferwûnen kaart Lokaasje fan it Bloedbad fan Sand Creek yn 'e Amerikaanske steat Kolorado.

It Bloedbad fan Sand Creek (Ingelsk: Sand Creek Massacre) wie in oarlochsmisdie dy't plakfûn as ûnderdiel fan 'e Yndiaanske oarloggen yn it Wylde Westen. Dêrby waard op 29 novimber 1864 it freedsume doarp fan 'e Súdlike Sjajinnen fan opperhaad Swarte Tsjettel (dêr't ek guon Súdlike Arapho oanwêzich wiene) op ferriedlike wize oerfallen en útmoarde troch in 700 man sterke Amerikaanske miltêre ienheid fan 'e territoriale milysje fan Kolorado, ûnder lieding fan kolonel John M. Chivington. Skattings fan eachtsjûgen oangeande it tal Yndiaanske deaden rûnen útinoar fan 70 oant 163, mar yn elts gefal gie it dêrby foar twatrêde part om froulju en bern, wa har lichems oft letter troch de soldaten skeind waarden. Sels doedestiden al rôp dit barren sels ûnder blanke Amerikanen poerlulke reäksjes op, mar de trije offisjele ûndersiken dy't dernei ynsteld waarden, laten net ta ferfolging fan 'e ferantwurdliken. Hjoed de dei is it stee fan it Bloedbad fan Sand Creek in national historic site.